【養兔知識】兔仔唔可以食啲乜?

好多人會將自己鍾意食嘅嘢同其他人開心share,咁係人之常情,但係如果分享俾自己嘅寵物呢?咁做就大錯特錯喇!點解? 其實大部份人食嘅食物都有機會令兔仔唔舒服,嚴重嘅話,甚至可能會中毒! 以下呢啲食物,千祈唔好比兔仔食!如果唔小心食咗,兔仔反應異於平常,唔好猶豫!建議即刻帶兔仔去睇醫生! 1.植物以外嘅食物 兔仔係草食性動物,所以唔係植物嘅通通可以排除! 2.唔適合俾兔仔食嘅植物 椰菜、粟米、洋蔥、蒜頭、辣椒、花生、馬鈴薯、豆類、牛油果等等 3.唔適合俾兔仔食嘅水果 葡萄、西瓜、檸檬等等 4.人類食物&飲品 酒、肉類、牛奶、朱古力、咖啡、雪糕、薯片、果汁、蛋糕、餅乾、糖水、汽水、加工食物、高糖份、高脂肪、高鹽分等等 PS:千祈唔好餵幼兔飲牛奶,因為兔仔身體分解唔到乳糖!如果兔媽媽唔肯餵奶,建議到兔仔用品專門店買專用奶粉。 5.薯仔 馬鈴薯芽&薯仔表皮變綠都係薯仔帶有毒性嘅原因 中毒症狀: 嘔吐 下痢 頭痛 神經錯亂 6.朱古力 朱古力嘅原材料係可可豆,裏面含有一種成份叫可可鹼,對兔仔來講帶有毒性,可可豆純度越高嘅朱古力,可可鹼含量亦會越高。 中毒症狀: 昏睡 異常興奮 下瘌 7.蔥 蔥、洋蔥、蒜頭等等,呢類植物對兔仔來講係帶有毒性 中毒症狀: 貧血 下痢 8.牛油果 牛油果裏面嘅牛油果素會導致兔仔中毒 中毒症狀: 呼吸困難 消化系統症狀 嚴重會有生命危險 9.發酵嘅食物 芝士、乳酪、腐乳等等 10.太熱或者太凍嘅食物 兔仔體質適應唔到太熱或者太冰嘅食物,請將食物調整到適溫再去餵兔仔   圖片來源:https://www.freepik.com/  
2020-10-17